პროექტი: "ჩვენ ვიყენებთ XXI საუკუნის ტექნოლოგიებს"
განათლებისა და მეცნიერების სამინისტროს, მასწავლებელთა პროფესიული განვითარების ეროვნული ცენტრის და Microsoft-ის მხარდაჭერით გამოცხადდა კონკურსი „Microsoft-ის ინოვაციური მასწავლებელი-ექსპერტი“, რომლის მიზანია მასწავლებელთა პროფესიული განვითარების მხარდაჭერა ინოვაციური სწავლა-სწავლების პრაქტიკების ხელშეწყობით. ამ პროგრამაში წარვადგინე პროექტი "ჩვენ ვიყენებთ XXI  საუკუნის ტექნოლოგიებს".  წარდგენილი მასალების ნახვა შესაძლებელია  pil-network.com-ზე.

http://www.youtube.com/watch?v=b1gArKBttm4
http://www.pil-network.com/Resources/LearningActivities/Details/04619325-3360-434e-b4c7-7da0649b3c7f

        სივრცული ფიგურების სიბრტყით კვეთის აგება ,  ფორმისა და ზომების დადგენა საკმაოდ რთულია.  ეს ამოცანა  შედარებით ადვილად შესასრულებელია, როდესაც   დამზადებულია მრავალწახნაგას ზუსტი ან მსგავსი მაკეტი (მსგავსების კოეფიციენტის დადგენა  ერთ-ერთი საინტერესო ქვეპუნქტია )  და  მის ზედაპირზე   ვიცით  მინიმუმ სამი წერტილი , რომლებზეც უნდა გაიაროს კვეთამ.  მაგრამ ამ ამოცანის გადაწყვეტა საკმაოდ რთულია, როდესაც:  ა) გვაქვს,  თუნდაც, მაკეტი, მაგრამ იმ  სამი წერტილიდან, რომლებზეც  უნდა გაიაროს კვეთამ,  ერთი მაინც არ ეკუთვნის ზედაპირს და  ეკუთვნის მის შიგა  ან გარე  არეს. ბ) კონუსის შემთხვევაში  ისეთი კვეთის აგება , რომლებიც არ გადის წვეროზე. გ) ცილინრის ისეთი კვეთის აგება, რომელიც არ არის ფუძის მართობული. რთული კვეთების და ზოგადად კვეთების შესრულებისათვის  SketchUp-8 ბრწყინვალე საშუალებაა.

        ლოგიკურად, სამომავლოდ  საინტერესო იქნება  ანალიზური გეომეტრიის   ამოცანის  ამოხსნა,  კერძოდ:  შერჩეულ მართკუთხა  კოორდინატთა  სისტემაში  კვეთაში მიღებული  ფიგურების  (ელიფსი, პარაბოლა,  ჰიპერბოლა )  განტოლებების დადგენა  და მათი დაყვანა კანონიკურ სახემდე.